曾經幫煲呔助選嘅公關「魷魚」游淑儀，競選後仍然同煲呔啲人藕斷絲連，近日被踢爆幫特首辦主任陳德霖搞傳媒飯局，社民連毓民噚日再爆料，指魷魚係四五行動發起人之一，如果屬實，都真係估佢唔到。
八方即時四出打聽魷魚同四五行動有甚麼不可告人關係，一位資深而且仍好活躍嘅成員話，魷魚確係四五行動發起人，佢指組織於1989年初成立，目標係支持中國民運、支持香港爭取民主，當年魷魚做記者，滿腔熱血，最支持內地爭取藝術文化自由。
據呢位人士講，當年有40多個發起人，組織好鬆散，呢個「傳統」維持至今，而發起人則各行各路，𠵱家仍活躍嘅不足10人。