周汶錡、曾與小小超李澤楷傳緋聞的模特兒陳碧舸和內地女模徐靜雯等，昨日在銅鑼灣世貿出席玉器展開幕，示範價值6,000萬元玉器和寶石。在台上周汶錡向專家請教戴玉是否有助生仔，莫非想趕生仔潮？她說：「大咗肚先啦，又未結婚，男友都冇催。我未得閒生住，因為要落手落腳去湊，身邊好多朋友生咗仔女，講啲湊仔經我都唔識，好脫節。」
嘆冇人要
周汶錡更指要等人求婚，她說：「我𠵱家冇人要，我要積極啲，以前都有諗幾時生，𠵱家冇，生仔要講緣份，早啲生好啲。」再不生易變高齡產婦？她即笑說：「好，我即刻生畀你睇！」
陳碧舸透露新年和家人去柬埔寨旅行，不少名模都和天王拍拖，她說：「天王不夠我高，我想找一個比我高的。」
採訪、攝影：LawWaiMan