ECupBaby劉欣宜與36F上圍的雷凱欣，昨日化身火辣辣cosplay人物，殺入旺角行人專用區派福袋，雖然早前ECupBaby聲言封胸遭雷凱欣暗寸，不過二人再度同場未有隔胸互撼，反而ECupBaby借題發揮暗嘲Angelababy冇身材拍水着寫真，更見精采。
在僅得14度的寒冷天氣下，ECupBaby劉欣宜與雷凱欣仍要拋胸搵食，二人昨日同以性感cosplay打扮到旺角行人專用區派福袋，不過現場所見圍觀市民不多，平時瘋狂出動的電車男與中坑也只得寥寥幾人。
變態電話騷擾
ECupBaby接受訪問時也稱不擔心混亂間會遇上鹹豬手，但已有心理準備會遭人用眼睛輕薄，她說：「有好多人保護，應該埋唔到我身，用眼望代替行動就實有，之前我俾變態電話騷擾件事，警方已經幫我落案調查，我都驚出入會有危險，已經減少出街，平時就搵阿哥同阿爸陪我去街。」
有消息指Angelababy出電子寫真攻日本市場，而早前宣佈要封胸的ECupBaby就大唱反調，還暗寸僅得32A上圍的Angelababy冇身材竟拍三點式寫真，她說：「之前有公司搵我影水着出寫真，但我推咗，因為我決定封胸唔再着比堅尼影水着，呢條路線唔能夠長久，我已經出過一次（寫真），我都收埋，唔知點解佢（Angelababy）要拍？一次就夠。」問她是否暗示Angelababy跟風？ECupBaby否認說：「唔敢講，路線唔同，可能日本佢發展大好多呢！」
唔怕博懵怕凍
此外，身穿魚網戰士裝的雷凱欣，形容自己穿了件處女長裙示眾，她說：「次次都着短裙見人，今次呢條真係處女長裙，不過都有大高叉，而且中門大開，天氣雖然凍，不過我都習慣咗，雖然旺角鬧市人多，但我唔驚混亂俾人博懵，我驚凍多啲。」
採訪：魯萍 攝影：仇志德