身形一向都圓碌碌嘅日本女星深田恭子，早前為咗真人版電影《小雙俠》扮演性感女奸角積極減肥。隨住電影喺3月7號上映，恭子為今日出版嘅新一期日本雜誌《an．an》擔任封面女郎拍攝寫真，佢着上露腰小背心，大晒瘦身成果。為咗減肥，恭子話每日都會自備飯盒去片場開工，但對於最鍾意飲嘅酒，始終都係戒唔到，認真爛飲。