花旗股市繼續跌，奧巴馬嘅救市大計等緊國會拍板，另外佢搵布殊幫手向國會申請7000億美元救市方案嘅第2期撥款，睇外電報道，國會好大機會趕喺奧巴馬下禮拜二宣誓就職前通過撥款，不過，企業業績公佈期啱啱開始，投資者嘅視線暫時轉移咗。
港股噚日再插302點，報收13668，技術走勢進一步轉弱，短炒都係繼續吼Put輪。
中石化P輪15877：中石化（386）昨收4.35元，跌3.7巴仙，早排跌過落3.50元，呢次若跌穿4元，好大機會再試3.50元低位，加上短線反彈嘅空間唔大，可以諗吓隻P輪15877，博正股跌穿3.50元試3元。
隻輪現價22.4仙，有效槓桿1.07倍，正股跌落3元，15877可見31仙，正股升破5元就沽咗隻輪止蝕。
俊樺