全球金融海嘯搞到大家「有得震，冇得瞓」，擔心公司會突然地震，到時連飯碗都保唔住，搞到自己日日坐唔安、食唔落。正當人人都認為呢隻鑊係美國搞出嚟，要佢負全責之際，西藏流亡精神領袖達賴喇嘛就話「海嘯」出現，同現代人精神沉淪有好大關係。
精神沉淪利字當頭
73歲嘅諾貝爾和平獎得主達賴喇嘛，喺印度瓦拉納西一個為期一星期嘅宗教研討會上話，現代人文化同精神沉淪，導致全球貪污腐敗猖獗，人類變得越嚟越自私，個個都「利字當頭」，卒之搞到經濟失陷，全世界都冇運行。
華華覺得達賴喇嘛講嘅嘢都有道理，如果人唔貪心，只按自己經濟能力買樓，亦冇參與瘋狂炒樓活動；銀行又冇亂咁發行衍生工具，同埋check清楚先借錢畀人，次按泡沫就可能唔會出現，全球經濟亦唔會冧。