著名武術指導及功夫片導演劉家良（右），噚日下晝兩點幾駕駛紅色甲蟲私家車去大埔買嘢時，被尾隨的士撞向車尾。當時私家車沿廣福道快線行駛，懷疑前路擠塞減速肇事。劉家良、車上外傭以及的士司機都冇受傷，只係私家車車尾輕微損毀。雙方事後願意和解，的士司機承認犯錯，答應賠償，事後劉師傅自行揸車載女傭離去。