AmytelAPF7003D，廠商畀咗個PicturePhone名字佢，基本上係由數碼相架加上室內電話組合而成，你喜歡的話，可以分開獨立使用，組合後就可以起到功能互補優點，可以於數碼相架上設定電話功能，當有電話打入，就會顯示來電資料，倒轉嚟講，亦可以用電子相架來接聽電話。
係咪實用？好老實講，一般喇，勝在夠特別有創意。當中7吋電話相架其實仲內置有SD、MMC、MS記憶卡槽，加上可用記憶手指嘅USB介面，睇相都幾方便，而且有16種過場效果，可惜內置記憶只有8MB，屏幕解像度亦唔太高，令到相片細緻度不足，效果只能算普普通通。
查詢：Amytel（28702058）
