香港作為國際商業城市，但回歸超過10年，特區政府原來一直冇喺外國開設新嘅經貿辦事處，八方聽聞，好快就會有一個駐德國柏林經濟貿易辦事處，呢個亦會係香港回歸後，首個新開張嘅駐外辦。呢個新office會由前任副律政專員黃繼兒做處長。
黃繼兒噚日返香港出席律師會活動，講開發展大計，佢話個新office未正式開張，暫時喺布魯塞爾設立臨時辦公室。黃繼兒現時個職位叫做香港經濟貿易事務主任（中歐），主要負責同德國、匈牙利、奧地利、捷克等地商界打交道。有香港人稱呼呢啲國家為東歐，不過黃繼兒話喺歐洲人心目中，呢啲國家其實位處中歐，中歐人對東歐呢個稱呼有啲反感，香港人入鄉問禁，否則得罪人都唔知。