現年19歲的賭王何鴻燊三房長女何超雲，早前被發現和霍英東孫兒霍啓文約會撐枱腳，前晚三姨太陳婉珍為女兒戀情降溫，呼籲女兒要「以朋友做出發點」，先交友後拍拖。
何家淑女戀事多，賭王何鴻燊三房長女、現年19歲的何超雲，早前被發現與霍英東孫兒、現年20歲的霍震寰幼子霍啓文，在中環法國餐廳撐枱腳，被踢爆拍拖。前晚賭王、三姨太陳婉珍及何超雲，在尖沙嘴出席東華三院慈善餐舞會，超雲穿一襲桃紅大露背連身褲，青春性感。
「食飯好閒啫」
提到與霍啓文拍拖，超雲即時否認說：「係普通朋友食飯，霍家同何家family都識，我哋喺英國讀書時就識得。」問霍啓文是否追求她？超雲聞言含羞答答說：「你問佢啦，我都想知。」問到有否發展機會？是否啱心水？她都一律說：「唔知，隨緣啦。」
作為母親兼一向重視家教的三姨太陳婉珍，即時為愛女戀情降溫，她說：「男女食飯好閒啫，咁樣寫抹殺咗大家做朋友嘅心，異性都可以做朋友，如果同異性一齊就拍拖，咁返學點呀？」她滔滔不絕教女說：「禮貌上食飯，係友誼，可能有發展，不過第一次食飯就話拍拖，唔可以咁樣定型，唔係淨係話我個女，其他女仔都係，以朋友做出發點，可以取長補短。」問有否見過霍啓文？三姨太說：「未見過，知佢好乖，好聽話。」
此外，昨日誤傳四姨太梁安琪兒子交通意外入院消息，後來又指是三房兒子撞車入院，向三姨太助手Sandy求證後，證實虛驚一場。
誤傳弟撞車
三姨太助手說：「嘩，唔係，佢（何猷啓）已經走咗返英國讀書，開咗學喇。佢係入過院，係上兩個星期天氣唔好，佢食咗嘢唔舒服，腸胃炎，為安全計就喺醫院留咗一日，就咁多。佢都未成年，得17歲點揸車呢？我哋個個司機都揸咗好多年，好安全㗎。」
採訪、攝影：LawWaiMan、DebbieLum
