早排有留意新聞，都應該見到的士司機因為狂追霸王乘客而猝死，政府亦因為咁而考慮俾職業司機安裝車廂閉路電視，姑勿論立法與否，最近發現咗汽車保母TokyoCarbeEye'sontheRoad，係一個可以進行攝錄嘅後鏡，一個唔好彩，都唔使攞部電話出嚟影低，仲隨時全程直擊，唔會口同鼻拗，贏晒！
記者：梁美甜
攝影：譚盈傑
Model：Ayu
TokyoCarbeEye'sontheRoad
後鏡連後泊鏡頭全套$3,680、
單後鏡$2,980（a）
《蘋果》讀者購買可獲贈8GBSD卡
無線監察器
此產品由日本原裝引入，全鏡面表層，可以當普通後鏡用，鏡身內置LCD彩色屏幕，而鏡身右上角附有一個可以330度調校攝錄鏡頭，車外車內都拍得，用SD卡，每段片段以1分鐘為單位，可連續拍攝24小時。點解以1分鐘一段？原來1分鐘嘅儲存時間只需1秒，換句話說，突發事好似盲毛過馬路傾電話唔睇車，離遠響安又聽唔到等等，都保證拍攝到事情經過。播個Playback，警察哥哥睇片就一目了然啦，仲可以加個後拍鏡，連接之後，泊車時可以見晒後方情況，泊車自然更安全，「用嚟攝錄車後情況得唔得？」得，鏡頭有夜視燈，黑麻麻都拍到！
設計場景一 失驚無神迎面嚟
去開郊區又或者入村入窄巷，單程路無話邊面行車先，失驚無神迎面嚟部車又或者大家各不相讓至難搞，全程睇晒無得拗喇！
設計場景二 小路飆出大路
香港好鬼多小路出大路嘅馬路，唔知係咪好多車主都以為自己係車手，又或者部車真係性能比人強，懶理迎面車衝住嚟都照出無疑，唔通讓路守規真係咁難？
各類提升車安用鏡
除咗另類車用保全攝錄後鏡之外，其實市面有好多平面及曲面後鏡，覆蓋面廣增加視點，附有HID濾光更可減低時下常用白光燈強光或日頭太陽光，尤其係長身如300mm平面1:1後鏡，新車至啱；側鏡盲點鏡則可以彌補車身長又或者側鏡視野細缺點；車廂用輔助鏡最啱有小朋友車主用，行車時都睇到後排囝囝動態，用得其所都能提升行車安全及駕乘保護。
查詢：
（a）JCShop（31022783）
（b）PitStop（23926476）
（c）威一系汽車用品（23843876）