日本男星松山研一前日喺東京，出席今個星期六首播嘅新劇《錢武鬥》記者會。松山喺套劇入面飾演愛錢如命嘅主角蒲群風太郎，為錢乜到肯做。而喺現實生活中，松山話同朋友一齊玩嘅時候，為咗搞笑要佢全裸都肯制，咁咪同戲中貪錢嘅佢好相似？松山又話金錢對佢嚟講好重要，佢話雖然自已最鍾意嘅食物只係牛肉飯，但如果冇錢都冇得食。