愛情的確係最好嘅強心劑，巴塞隆拿前鋒亨利上季表現不濟，皆因同前妻妮歌離婚、又掛住個乖囡(Tea)，結果導致士氣低落。不過，呢位法國射手今季表現突然回勇，仲成日蓮子蓉咁嘅面口，點解呢？
新歡舊愛倒模一樣
意大利雜誌《Leggo》最近喺馬爾代夫「哺」名人球星度假，無意中拍到亨利同一名叫安蒂亞嘅女模特兒玩水，於是亨利翻身之謎終於打開。我求大俠其實早於12月17日《體育報》專訪，聽亨利講過自己重新墮入愛河，可惜無緣一睹其愛人廬山真面目。今次有緣一見，發現安蒂亞同前妻有幾分相似，同係屬於排骨型；睇嚟本身身材「弗」爆嘅亨利，對女伴身形都相當講究噃。