倪震同城大女學生張茆因為「偷啜」事件搞到滿城風雨，不過就無損佢同周慧敏近20年嘅感情，上星期一倪震同周慧敏喺跑馬地屋企舉行一個既慳皮又低調嘅婚禮。 而事件中避鋒頭嘅張茆原本有傳佢噚日復課同考試，但係最終冇見佢現身。 另外，倪震喺某周刊專欄度自爆買結婚戒指同結婚蛋糕時都有波折，但最後一切順利完成，佢又登咗張觀禮朋友嘅合照，好朋友古巨基同緋聞女助手Lorraine以粉紅色情侶裝現身。