今季俾AC米蘭外借至波爾多嘅法國中場哥古夫（圖），話寧願留喺法甲發展，都唔想重返聖西路效力。佢咁諗又冇錯喎，波爾多喺周日嘅聯賽，於主場大勝巴黎聖日耳門4:0，哥古夫正選擔正兼有「士哥」，家陣只係落後榜首里昂一分咋，喺呢度話晒自己地頭，佢被人當神咁拜，點都威啲。嗰邊AC專收老人兵，哥古夫得22歲仔，大把世界啦！