張敬軒（右）噚日到新城電台為下月舉行嘅音樂會舉行記招，大會仲邀請佢當年嘅伯樂陳少寶（左）撐場，佢好大手筆咁送咗隻金馬畀軒仔，希望軒仔日後能重用自己呢隻老馬喎。 軒仔話計劃同陳少寶投資六位數喺內地搞罐頭鮑魚生意，之後仲可能會開製作公司簽內地新人，真係睇唔出軒仔唔止唱得、作得，仲幾有生意頭腦喎。