港股上禮拜三以大成交急挫，經過兩日低位整固後，算係暫時守穩50日線，上周五花旗股市雖然下跌，但係對港股應該唔會有太負面嘅影響，大家反而要留意內地A股嘅表現，特別係早幾日拖低港股嘅內銀股，如果內銀股穩番啲，港股可以繼續整固。
至於個市幾時會再炒上去，就要睇住啲重磅成份股，尤其係滙控（005），股價喺10日線企穩，可繼續反彈。
滙控C輪15633：滙控上日報收74.70元，升近1巴仙，反彈有機突破20日線上試82元，呢個位係50日線水平，條線有向上升嘅趨勢，反彈可見88元，可以諗吓隻C輪15633，上日收12.6仙，有效槓桿3.1倍。
正股升上82同88元，15633可見16.7仙同20.5仙，正股跌穿70元，就沽咗隻輪止蝕。
俊樺