今年公益金百萬行喺寒流兼海嘯下舉行，但參加咗15次嘅宏利（945）冇縮沙，噚日朝早，高層宏利亞洲區總經理雷柏剛（左一）同香港區總經理何達德（左二），帶住千幾個員工到政府大球場集合。佢兩個雖然冇行，但就一身大廚打扮，喺中途站做「加油大使」，等隊員經過時遞上熱辣辣食物，咁啱雷柏剛英文名叫BobCook，唔通佢係廚神後人？