肥姐沈殿霞過身後，囡囡鄭欣宜就得到唔少人提攜，張學友係其中一個，好似廸士尼09賀歲動畫《3D超級零零狗》學友除咗有份配音，仲唱埋主題曲，學友今次特登搵埋欣宜一齊合唱，噚日欣宜喺粉嶺一個商場宣傳呢套戲，講到日前無綫播《我的2008》訪問欣宜嗰集，欣宜話：「好開心，好多網友讚我真情流露，我都記得嗰日係喊到見到四個下巴！」