呢排頻頻現身搵真銀嘅鍾嘉欣噚日喺Megabox參加廸士尼賀歲活動，佢透露即將會放假，嘉欣話：「有三個禮拜新年假，會返溫哥華同屋企人過年，都驚住自己會食肥。」另外嘉欣又澄清自己𠵱家冇男友，佢話：「之前影到嘅只係選美嗰陣嘅司儀朋友，有真嘅會同媽咪講。08年自己好有收穫，事業啱啱起步，暫時唔會諗拍拖！」