訪問期間，陸東屢次明言，只有價值投資法可持續為他賺錢，而價值投資法只有兩點，就是理性分析及無比耐性，因此討厭估計短期走勢的他，直斥投資者今日見高追，明日見低沽，是十分違反人性的，他希望藉今日出版的著作《智者傲行》，嘗試糾正市場的投資歪風。
八成人輸錢因「儍仔居多」
陸東強調，出書全為興趣，並非以賺錢出發，由籌備至落筆出版，大約花三至四個月時間。
書中陸東會以「儍仔居多論」剖析緣何市場上80%投資者要輸錢收場，最後一章會解構其投資心得及經驗，針對次按、雷曼破產表達其世界觀，「我希望本書long-lasting，唔希望似坊間財經演員嘅工具書。」
書中更會談及他的成長心路歷程，不乏讀書、事業、家庭生活等未曾公開、鮮為人知的秘密。「每個人有四個20年，第二及第三個20年是搏殺期，我剛開始人生第三個20年，唔想重複做咁dull（乏味）嘅嘢。」
「喺瑞銀攞第一攞咗好多年（2001至2003年，連續三屆被選為香港分析師第一名），亦喺資源缺乏嘅環境下，將整個分析團隊，由爛攤子收拾好，要做嘅事都做晒，我唔想喺到磨爛蓆。」陸東解釋去年八月離開瑞銀，轉為兼職顧問的原因。
「早於五月已舉手要求離開，我係睇到金融海嘯即將到來，知道有一個黃金機會係面前，至有咁嘅決定（自立門戶開設基金）。」
自創基金 盼季尾登場
成立基金進展方面，陸東指現時仍處發牌階段，正等待證監回覆，詳情不便多談，希望於本季尾或下季初正式推出，他揚言，開始時仍會以買賣港股為主。
前年及去年初傳城中富豪爭相要求陸東為其打理動輒億元資產，「我坦白同佢哋講，三萬點恒指、PE（市盈率）20幾倍，唔能夠為其提供理想回報。」事過境遷，現時恒指萬四點，PE跌至10倍，一班富豪反而卻步，「一部份輸死咗，一部份認同我嘅觀點，但係唔敢。」
「最易攞錢嘅時候，最難對得住客戶；最易對得住客戶時，卻最難攞錢。」陸東無奈苦笑，道出基金經理的苦與樂。