香港嘅民調機構唔少都係由左派運作，可信性成疑。但被標籤為左派民調機構嘅香港研究協會，最新調查就有意外結果。事關佢哋喺1月2號至9號向1,454位市民進行嘅調查顯示，五大直選選區最高分嘅民選議員，都係來自泛民，港島余若薇、九東梁家傑都係公民黨；民主黨鄭家富喺新東最高分；九西同新西就分別由社民連毓民同街工梁耀忠稱王，民建聯議員完全冇份。
再睇吓最低分議員，民建聯喺新東同新西就分別由陳克勤同張學明包辦「倒數第一」，九東同九西則由工聯會黃國健同鼠王芬得獎。不過，民主黨甘乃威喺港島區評分最低，打破咗左派橫掃包尾議員嘅局面。