吳雨霏（Kary）昨日於九龍灣E-Max為新曲加精選碟《18Cuts》舉行簽唱會，她除與歌迷玩遊戲，大會又安排一班打扮成可愛牛牛的小朋友出場拜早年，𠱁得Kary笑不攏嘴。
雖然新碟銷量過萬，在現今的市道已算不俗，不過Kary坦言不太滿意，她說：「自己諗住會過白金，𠵱家有少少失望囉，不過𠵱家市道咁差都冇辦法，嚟緊隻新碟可能樣樣都要慳，可能自己作曲同唱埋和音啦！」
昨日歌迷人數不算多，問Kary可會感到失望？她說：「𠵱家呢個環境已經好滿足喇，再冷清我都見過，其實有fans支持已經好好，自己又唔鍾意喺鬧市逼，咁嘅形式見歌迷都OK吖！」
採訪、攝影：藍文浩