Angelababy及「邦民女」羅凱珊（Kama）昨日到海港城出席預祝新年活動，月中到日本發展的Kama，繼續表現拼搏精神，十零度低溫脫下外套露出吊帶背心，她與患重感冒失聲的Angelababy，爭相與現場的財神作「行運」抱抱，希望行好運。
兩位𡃁界女神Angelababy與邦民女羅凱珊昨日齊齊現身海港城，出席預祝新春佈置活動，大會安排了兩名財神搞氣氛，當中一位由中國男士所扮的財神，去年曾令商場客人中了二千多萬元六合彩，Angelababy與Kama得悉後，爭相要與財神作「行運」抱抱，十分搞笑。
讚William跳舞叻
昨日天氣寒冷，一向拼搏的Kama除下外套只穿背心，Angelababy因患重感冒失聲，故穿上厚衣，雖有fans撐場，但不及Kama受歡迎，吸引大批龍友拍攝。
Angelababy聲沙沙說：「因為之前感冒咳到失聲，都睇咗醫生食藥。」問到男友陳偉霆（William）有否帶她看醫生，她說：「呢排好忙，冇同佢講電話，佢都有教我方法開聲。」記者問她新年會否去William家拜年見家長，她笑說：「會，𢭃吓利是係主要目的。」
問有否見過William家長，Angelababy說：「喺報紙見過。」之後透露自己父母未見過William，她說：「佢哋讚佢跳舞好叻，如果佢有時間，都會叫佢嚟我屋企拜吓年，可以互𢭃利是。」
Kama赴日發展
此外，Kama早前與開印刷廠的中年姓李男士約會，最近又與Square成員傳出緋聞，她對此說：「好耐之前嘅事，Square嘅James係同事，識咗佢好耐，都係朋友階段，佢個人都好nice。」問她選男友不愛錢，只愛靚仔？她說：「好多人都鍾意靚仔，自己冇所謂，鍾意就得，暫時冇諗，工作為主。」
Kama透露月中到日本發展，笑言會向Angelababy取經，她說：「嗰邊想我拍戲做藝人，我想做模特兒工作。」記者笑言日本很多AV星探，她說：「唔驚，喺香港都成日收到好多卡片搵我。」
採訪、攝影：LawWaiMan