09年網壇第一項盛事澳洲公開賽，竟然冇咗俄羅斯美少女舒拉寶娃（圖左），事關舒娃話自己嘅肩傷啱啱好番，狀態仲未操起，所以決定唔進行女單衞冕戰。查實舒娃唔玩澳網賽真係有迹可尋，皆因出戰澳網賽嘅球手，現階段都好努力咁進行備戰，去唔同地方好似香港、布里斯班同埋悉尼等參加比賽提升狀態，但舒娃傷癒之後冇玩過任何熱身賽，頭尾接近半年冇比賽嘅佢，根本唔可能夠狀態玩澳網賽。但我求大俠收到風，舒娃今次有「詐死」之嫌，原因係佢最近沉醉於愛河，掛住同有錢仔查理伊巴蘇拍拖而疏於練習，情況就好似應屆港姐張舒雅（圖右）咁，自稱有病而唔選華姐，淨係顧住拍拖。如果單嘢係真嘅話，呢勻佢真係由舒娃變舒雅。