樓市近期回復生氣，新盤亦見捧場客。不過，07年沽出大部份物業、袋袋平安的陸東卻大潑冷水，並認為「𠵱家買樓，不如買地產股」，強調樓市正朝摸底階段，現階段未跌完，亦建議用家今年可先租住物業。
「買樓不如買地產股」
住宅物業中，他估計豪宅價已近谷底，但中價樓及上車盤形勢惡劣，箇中關鍵是失業率今年將極速惡化。政府上月公佈，去年9至11月失業率升至3.8%。陸東悲觀預期，失業率會由去年約3%，倍升至今年6%。
雖然未來兩年新屋供應只有1至2萬個單位，但陸東逐點反擊指出，「供應少咗，唔代表樓價唔會跌，需求減少，一樣會令樓價慘跌。個個都驚失業，中產係高危人士，後生仔結咗婚亦寧租唔買，中價盤及上車盤冇買家，個價自然會落。」因此他建議用家，今年可先租住物業，因租金跌勢較大。
此外，銀行不斷調高新造按揭息率，亦打窒準買家入市意欲。不過，今次市道慘烈過沙士的地方，就是過往屢次打救樓市、有雄厚實力的一眾廠家，在金融海嘯下相繼敗走。
談及地產股，他指跌市下，地產股股價顯著低於資產淨值，是正常現象，但與97、98年不同，現時大部份發展商財務狀況良好，槓桿比率低，不擔心被追收貸款。