【本報訊】教育局局長孫明揚昨日開腔力挺教學語言微調方案，指反對方案的田北辰和中中聯會「唔應該將實施過程嘅困難無限擴大」，更指「全香港唔係淨係得呢兩個人」。他說金融風暴後，香港需要重新定位，擔起國際金融中心的重任，訓練下一代學好中英文。
田北辰挺母語教學
孫明揚出席一公開場合時指出，推出教學語言微調方案，「完全唔係」要向母語教學失敗屈服，「母語教學唔係名存實亡，我們𠵱家啲細路學習學科內容學得好，我諗係有目共睹。」
反對微調方案的語常會主席田北辰反駁稱，一直最刺激其神經的不是實踐問題，而是政府扭曲教育理念，過去觀察所得，施教時能流利地說英語的學科老師不多，「英中好多先生都只係一半半，有一半我覺得佢哋教得好辛苦、好勉強。」
田北辰又說：「成個微調方案完全講唔出母語教學出現乜嘢問題」，他強調母語教學跟學好英文是兩回事，他至今不覺母語教學出現問題。對孫明揚指全港不是只有他和中中聯會兩個代表，田稱：「我覺得教育應該係為咗下一代，應該好好研究，政治因素少番啲好啲。」