胡杏兒昨午於沙田馬場出席「周大福賽馬日」，示範了200卡價值200多萬元的鑽飾，大會又邀請了多位名模包括呂燕、陳嘉容、姚書軼（Mikki）和周偉童演繹總值超過1,500萬元的高級珠寶。近日本港天氣越來越冷，天文台更發出寒冷警告，但一眾模特兒均穿上性感晚裝，胡杏兒則以Fendi大露背裝示人。
記者笑言胡杏兒去年搵夠錢，可買得起身上的鑽飾，她說：「戴過就算，自己都唔捨得買。」問她入馬場會投注買馬？她說：「我啲心水係毒藥，信唔過，小賭怡情，我最叻嗰次贏過幾百蚊。」
解構家姐斷背情
杏兒先後在無綫台慶奪得時尚魅力大獎、商台生力軍女歌手銀獎和《勁歌》新人薦場飆星獎，她準備買鑽石獎勵自己，她說；「我睇中咗一對共10卡嘅方鑽耳環，台慶時戴過嗰對，不過都成幾十萬㗎，要儲錢買，如果有人送都唔介意，太貴重就唔敢收啦！」
有傳杏兒的家姐與同性密友、新進歌手陳詩慧拍拖兼同居，杏兒說：「我覺得好無稽，放過佢啦，我家姐又唔係圈內人，佢哋係朋友，一齊住，而且好好感情。」
採訪：梁錦雯
攝影：陳俊強
