一向畀人硬淨形象嘅阿Cyd何秀蘭，噚日去到立法會討論家暴議題時，聽到唔少同明光社呢類道德塔利班相近嘅組織發言後，竟然激氣到差啲喊出嚟。阿Cyd喺會議上聽到有發言人士嚟自破碎家庭時，就話希望大家都同意，每個人都同樣有組織家庭嘅權利，「呢度有好多教友講關懷互愛，但點解又要排斥、要不接納呢？」講講吓阿Cyd雙眼泛紅、哽咽咁話，呢啲團體咁樣對班同志，唔單止切割佢哋好多社會關係，仲攞走同志應有嘅法律保障，直情係暴力嘅一種。
一向愛搞笑嘅李卓人就話，啲人成日話要維護家庭價值，其實最破壞家庭嘅係工時過長，叫大家應該要求政府規管工時喎。