金球獎聽日舉行，大有機會憑《情迷巴塞隆拿》（VickyCristinaBarcelona）勇奪最佳女配角嘅西班牙靚女彭妮露古絲（PenelopeCruz），被佢家鄉時裝品牌Mango邀請，繼續為春夏系列設計新裝及擔任代言人。
彭妮露同佢嘅演員妹妹Monica過往一直係Mango嘅星級代言人，去年佢哋兩姊妹為品牌推出親自設計嘅服飾系列Penelope&MonicaCruzforMNG。今季佢哋再度添食，新裝用上唔少充滿日本和服風味嘅花布，而littleblackdress亦係重點推介。話晒都係自己設計，因此彭妮露同Monica拍廣告時非常落力，亦唔介意性感示人。