張永霖為挽回亞視誠信，表示可能會重選亞姐。91年亞姐冠軍羅霖曾炮轟亞姐選舉機制有問題，對於亞姐或要重選，她漠不關心，昨日在電話中說：「選咗咪算囉，再選咪搵嚟搞。本來舊年係第20屆，大家都開開心心參加，點知大會就自揭瘡疤，我都冇眼睇，一早就應該用評判選舉制度，分數有根有據，公平好多。」她堅決表示不會出席亞姐重選，她說：「都咪搞我啦。」
陳煒唔知點收科
96年亞姐冠軍陳煒也有同感，她昨日說：「搞重選都冇乜意思，咪得個勞民傷財，再搞就演變成另一個大笑話，都唔知點收科。」
惟獨第一屆亞姐冠軍黎燕珊力撐張永霖，她說：「亞視有審查賽果嘅決定，內部一定進行過好多會議先有呢個安排，我哋要尊重大會，就算重選邀請我返去做評判，我都義不容辭，因為我係亞姐『大家姐』嘛。」
採訪：比華利