今年賀歲波參賽4隊終於出籠，最後搵咗水原藍翼同埋布拉格斯巴達，雖然叫座力唔係好夠，但賣賀歲波飛送亞洲盃外圍賽波飛總算有賣點，起碼可以吸引一班一向支持本地波嘅球迷。
據講南華飛馬聯隊會搵前日本國腳藤田俊哉助陣，雖然唔係啲超級球星，但都算係為香港球迷熟識，而早前亦有傳南華希望搵浦和紅鑽「野人」岡野雅行，連同曾經搵過嘅鈴木隆行，南華真係想向一啲前日本國腳埋手；而且有唔錯嘅賣點。起碼以𠵱家日本足球水平，就算年紀較大，絕對可以應付得到本地波。
至於今周推介向意甲埋手，捧國際米蘭贏卡利亞里，開「主勝」。
讓球主客和：國際米蘭勝[-1]
心得：國米實力超班
近5場往績：LLLWL
戰鬥員A
同足球有關嘅周邊物品都鍾愛，賭波就專攻日職聯。