近年主攻美國市場嘅韓國男歌手SE7EN，同韓劇《茶煲阿四》內扮吳智昊初戀情人嘅朴寒星自出道以來多次傳緋聞，佢哋去年年尾就被偷拍到甜蜜拍拖。當日SE7EN難得返韓，戴上鴨舌帽嘅佢同素顏嘅朴寒星離開屋企去撐枱腳，朴寒星後來去salon扮靚，SE7EN仲喺傍晚時分接佢㖭。SE7EN之後飛返美國，朴寒星又飛咗去洛杉磯陪佢過新年。