華碩隻EeePC，成日俾我鬧佢個Keyboard細到好似用手機Qwerty鍵盤打字，真係一提又火起！
最近華碩喺美國CES發佈一部新概念嘅EeeKeyboard原型機！起初笑笑口話：「終於知道要補鑊喇！」點知睇真規格，FullSize鍵盤之內，內藏SSD硬盤、Atom處理器、有影像輸出、內置電池、Wi-Fi、又USB……咪睇佢細如你屋企個Keyboard，其實佢已經係一部Netbook，都咪話唔犀利！話明原型機，當然係測試階段未有價錢同銷售日期啦！不過據稱呢部樣辦機已經可開機操作90分鐘，估計正式出街時，華碩話要玩到3個鐘先收貨，講得咁實牙實齒，估計今年內一定見到街！