第一次睇甄子丹嘅戲，係小學時代嘅《皇家師姐4之直擊證人》。多年嚟佢未算係一線武打明星，但畢傑一直覺得佢好好揪，只係性格有啲囂，可能有料嘅真係囂得起。大家如果有睇《戀情告急》，甄子丹點用皮帶教訓古天樂個樣，真係覺得佢個人同個角色一樣：自大同囂爆。
早排睇《葉問》，對甄子丹完全改觀，喺佢臉上完全睇唔到個「囂」字，淨係睇到「忠誠」兩字。甄子丹完全將一代宗師嘅氣度演繹出嚟，堅好戲！聽聞會開續集，我一定捧場。識得畢傑耐嘅朋友，都覺得我係另一個甄子丹，唔係好揪，係好囂！推介桑坦德贏到嘅話，梗囂得起！
主客和：桑坦德勝
心得：呢場施積係葉問
近5場往績：LLWWL
畢傑
哥連泰斯將是朗拿度嘅最終站，但無論呢個死肥仔去到邊度，我永遠最愛係佢。