早幾日，又一單無攬安全帶而發生嘅車禍慘劇，政府日講夜講叫大家扣好安全帶先開車，總會有人嫌困身或貪方便而忽視安全帶重要性。雖然我都覺綁咗安全帶周身唔聚財，不過加咗今日呢堆軟綿綿，又超級卡娃兒嘅帶墊後，包保以後攬安全帶無問題。
記者：徐影龍
攝影：譚盈傑
Model：Rorain@PureModels
近年越嚟越多女仔揸車，一堆針對女仔而設嘅汽車精品，亦越出越多，亦令佢哋有賓至如歸嘅感覺，軟綿綿毛茸茸嘅安全帶墊，錫住嬌嫩肌膚已屬首要條件，再嚟就講造型同扮相，要可愛Kitty定高貴閃石，統統都有提供，大可揀到你啱為止。
1.獸性大發
靚女滿意度：囗囗囗囗囗
入到汽車精品店，第一眼就睇中滿佈獸紋、兼且毛茸茸嘅安全帶墊系列，黑白條形斑馬紋、斑點豹紋、啡黃虎紋乜都有，摸上手勁軟熟，好適合帶有野性味道嘅女士們。後尾店主聰哥話有成Set獸紋系列，包括一對頭枕、兩大兩細、再加一張長條形地毯擺中間腳位，鋪晒車櫳唔單止勁舒服，連視覺上都充滿野性，上車後仿似入咗動物園，Comeon，咬我吧！
2.波斯貓上身
靚女滿意度：囗囗囗囗
呢款毛到爆嘅安全帶墊，全身雪白，十足十抱住隻波斯貓咁舒服，莫講話着露肩裝唔怕擦損，就算ECupBaby咁偉大，一樣護肩兼護胸，軟綿綿。
3.吉蒂SayHello
靚女滿意度：囗囗囗囗囗
店主欣姐話開舖咁耐，Kitty精品就受歡迎咁耐。早年Kitty同米奇勁多假嘢，欣姐就拍晒心口話唔敢賣翻版，全部係有鐳射貼紙嘅堅嘢。
4.Q版動物周圍黐
靚女滿意度：囗囗囗
唔同嘅Q版動物好得意，其實仲可拆落嚟，左右調轉擺，或將個頭向上望番乘客，買兩對返嚟玩海陸Crossover，再唔係黐喺車上有魔術貼嘅地方裝飾！
5.珠光寶氣
靚女滿意度：囗囗囗囗
唔鍾意多毛同可愛，相信高貴女士會啱閃石系列多啲，黑白兩款，車櫳乜嘢色Tone都襯到，漆皮加13粒閃石，夠晒珠光寶氣，一樣包海綿，軟熟！
男人系列
咪話我大細超只講女人嘢，介紹番幾款Man啲嘅款式畀一眾大男人，全部都係幾十蚊有交易，密密轉款都唔肉赤。
人生第二睡房
構思今日大相時，要表達內櫳闊落舒服，其實最好選擇一定係明星保母車之王Alphard，同皇冠借咗架最新款嘅Alphard350，仲係最高級嘅豪華版，除雙天窗、雙遙控電動趟門外，連尾門都有遙控開關，認真巴閉。
坐上車，一種親切感油然而生，中排Ottoman座椅全電動調校角度，又有靠墊托住你大腳，成個大班咁攤喺度，唔望天窗睇星星，亦可望吓個特大10"屏幕睇影碟，連煲兩套都唔會頸梗膊痛，前中後排三區獨立恒溫冷氣，唔會出現前排凍親、後排熱死嘅兩難局面，舒服到似流動睡房咁，唔怪得名人明星爭住要喇。
引擎：3,456c.c.V6DOHC
馬力：274ps/6,200rpm
扭力：34.6kgm/4,700rpm
傳動：6前速加減半自動波
查詢：皇冠車行（28661020）
上星期Van仔司機飛出街意外，為大家無攬安全帶響出警號，其實唔止私家車同客貨車要攬安全帶，好多新款紅、綠Van都已裝配，咪諗住搭幾蚊短途就懶，抄牌罰幾百蚊事少，有意外受傷就真係得不償失喇。
查詢：
（a）偉良汽車配件（23842464）
旺角洗衣街35號地下
（b）PitStop（23926476）
旺角黑布街96號E