中學改分班制，藍鑽石個女十年後至升中學，明明唔關我事，話唔定到時又變天幾次，但為人父母，對住班用八月十五諗嘢嘅高官，實在不吐不快。
今次措施只會令校內競爭更激，對學生，真係年年喺校內考會考；對家長，最無厘頭係話想知各校到時點分班、分科，要自己打電話去問，欠效率又冇透明度，唔得你死！
或者班官從來靠有錢、靠關係而唔駛擔心子女升學問題，不知民間疾苦，而相信各間學校會請定幾個人聽電話答問題。對個女升學，藍鑽石有個十年計劃，所以最鍾意有計劃嘅球會，賓菲加近期志切重振雄風做咗好多嘢，上場聯賽失利，今次實掂。
主客和：賓菲加勝
心得：班霸聯賽唔會連輸兩嘴
近5場往績：LWWLW
藍鑽石
與簡拿華路同日出生嘅囡囡入學，今季大把時間睇波，尤其係意甲。