隔牆有耳:阿牛向北方出發 - 李八方

隔牆有耳:阿牛向北方出發 - 李八方

泛民立法會議員去年獲准到四川考察地震災情後,八方好耐未聽聞有人安排泛民人士去大陸。噚日阿牛同八方傾開,佢話東區區議會下星期有個珠海三日考察團,主要睇當地市政設施,又會同當地官員交流城市管理心得,阿牛話已報名參加。
不過佢老哥冇回鄉卡,惟有申請一次過回鄉證,考察團下星期一出發,但到噚日仲係冇任何聲氣攞證,究竟有冇得去冇人知,寄望東區區議會主席丁毓珠可以幫手。八方聽聞丁毓珠雖然喺內地人脈廣闊,然而講到要畀冇卡人士回鄉,相信唔係簡單嘅事,要阿爺首肯先可以放行,阿爺今次會否寬鬆處理,拭目以待。