醒！喺度想用呢個字讚吓自己。上期畢傑重點推介些路廸「半勝」，結果半場贏登地聯1:0，全場就被迫和2:2，支持開本欄嘅球迷應該可以受惠。玩完一期蘇超，又玩番最熟嘅西甲，要星期日有巨人施積壓陣嘅桑坦德，主場踩冧小人國維爾瓦嘅防線。
桑坦德喺1月1號轉會市場重開嗰陣，最醒係由華倫借得施積回巢，記得近年佢拍住梅里廸斯呢個一高一矮組合，威力驚人；上場作客華拉度列，施積回歸首戰即射入奠勝球贏1:0，我信周日返主場對維爾瓦，可冧莊添食。
施積高空轟炸維爾瓦
大家都知呢位塞爾維亞巨人身高有成2米03，高空波有一定優勢，尤其對維爾瓦將更明顯。維軍最近有高佬中堅比圖因傷要缺陣兩個月，要由身高只得1米76嘅摩利斯頂替，就知有施積嘅桑坦德好着數。仲有呀，維爾瓦連正選防中華斯基斯都要「唞」4至6周，呢排守力都係咁先喇。
桑坦德呢邊好好多咯，中場哥沙停賽復出外，又有中堅施薩拿華斯及新仔翼鋒東尼摩奴傷癒，人腳贏晒。再講，維爾瓦防線一向甚差，上場勝紐文西亞3:1，查實全靠門將列斯高神勇救出兩個12碼；要知一場波被球證吹罰兩次極刑，就想像到維爾瓦防線係幾牙煙。17場聯賽佔15場有失球，唔係嚇你哋㗎！桑坦德1.72倍W可做重心，[-1]嘅3.2倍「主勝」同時值得兼顧。
布力般難再逞強
配腳揀英超場次，要富咸主場贏布力般流浪，開讓平/半嘅上盤。布力般自「大儍」艾拿廸斯領軍後，所有賽事計得2勝2和；但要留意對手僅為史篤城、新特蘭及斯巴坦斯等威力一般的隊伍。富咸守力驚人，又具入球能力，我會博「大儍」不敗斷纜。文：畢傑
早飛王貼士
星期日19桑坦德vs維爾瓦
首選：桑坦德勝（1.72）
次選：桑坦德勝[-1]（3.2）
冷選：桑坦德勝4:1（40）
早飛倉
主菜：星期日19桑坦德勝（1.72）@2,000
渾水摸魚過關：星期六5富咸勝（2.05）x
星期六41里昂勝[-1]（2.05）x
星期日19桑坦德勝[-1]（3.2）3x1@500
今日早餐價錢：$2,500
上日賺蝕：-2,500
早飛倉結餘：$99,774
規則：$100,000本錢，每日買早餐最多動用$5,000，最少$1,000，逢周二、五起身食早餐（見報）。
周末焦點
星期六47 華倫西亞vs維拉利爾
西甲前列大戰，亦是西班牙國腳的內訌戰。華倫有大衛施華傷癒，韋拿及馬真拿等主力俱可列陣；維拉利爾同樣有辛拿及卡廸維拿等國腳，大戰味濃。
星期日13 曼聯vs車路士
曼聯及車路士今次碰頭，其中一方輸波有機會被利物浦放甩，加上在首循環英超Big4大戰同是未贏過，為前途為面子，定傾力比賽。
星期日27 羅馬vsAC米蘭
羅馬即使跌至11位，但主場6連勝氣勢絕不能看低，尤其托廸復出頻有入球；AC米蘭隨時有「萬人迷」碧咸聯賽處子登場，足成本周意大利焦點。