上周六先宣佈袁天凡出任社長嘅《信報》，又有人事變動。董事會主席陳慶祥噚日出通告，指袁天凡決定唔做，似乎有啲兒戲。通告指袁天凡係盈科亞洲拓展（PCRD）副主席，而PCRD係電盈主要股東，電盈附屬公司擁有nowTV電視廣播牌照，雖然袁天凡冇參與電盈或nowTV日常運作、管理同策略性決定，不過佢做《信報》社長，可能引發跨媒體管控之質疑。
為免引起不必要疑慮，袁天凡決定唔做社長，暫時由信報財經新聞有限公司代理社長職務，直至另覓人選。據了解，《信報》宣佈袁天凡做社長時，已有人提出是否牴觸跨媒體管控問題，可能有人諗清楚後唔想勞煩政府出手，亁脆自行了斷。