neo與G.E.M.　的骰新字號

neo與G.E.M.　的骰新字號

細細粒只得17歲，好話唔好聽，𡃁妹一名，但年輕唔係罪，對新世代的年輕人更不能睇小。像剛出爐的樂壇女新人王G.E.M.，即使未聽過佢張EP，只要睇過佢在頒獎禮上的談吐，問號即起，真係得17歲？唔得，要當面求證……眼前一個用新牌手機neo808i聽着MP3哼唱的小妮子，時而怕羞時而大笑，我信佢的確係𡃁妹。

記者︰陸俊雄
攝影︰伍慶泉

與普通少女無異

G.E.M.話好鍾意黑紅色，睇得出，衫、指甲和手機都襯到絕一絕，起初仲以為係刻意安排，講完繼續玩部的骰neo。其實佢平日都係咁，只係工作時先會放低手機俾助手拎住先，一收工就打開手板要助手速速攞番嚟。
聽MP3、用手機周圍Snap，跟朋友仔三更半夜煲電話粥，仲未因為當了新人王而停過。佢手上部neo808i係歐洲品牌，第一次在香港推出手機，如果G.E.M.唔話我知係部手機，細成咁，長度只得72mm，真係以為係部MP3。但講真，將808i定位成一部具電話功能的MP3，可能令人更深印象，好過叫佢做一部手機。

■G.E.M.自言係行到邊聽到邊嗰類少女。

■唔只影相拍片，仲有錄音功能。

■快啲拎張八達通出來感受有幾細。

走實力派路線

記得在勁歌頒獎禮上，曾志偉一句︰「17歲個肺可以咁大？」在近年的樂壇上，已經好少有女歌手被人稱做巨肺。唔知係假音當道，還是新一代唱K唔夠氣多，所以G.E.M.年紀輕輕有這種唱功，確一鳴驚人，具爆炸性，聯想到日本新進女歌手青山黛瑪。
G.E.M.在手機的多媒體功能內，用一個紅色掣控制晒上下左右，一邊揀歌一邊說︰「我的唱腔跟媽咪和婆婆有關，而且我聽外國歌手較多，例如ChristinaAguilera或者張惠妹的國語歌。」早聞過佢係音樂世家出身，自小訓練好基本功。見佢冇提過香港，唔通聽唔入耳。唔係，佢好怕羞咁話手機好多容祖兒的歌，係自己學習對象，忽然變了小粉絲。

■自拍當然經常做，G.E.M.覺得有相機功能就夠，唔需要去到幾百萬像素。

■最大有效像素1,280×1,024。

■相片特效都算幾多選擇。

WhereDidUGo

說到歌，自然講到佢首《WhereDidUGo》，一句SMS和電話內容中常出現的字句。G.E.M.話寫呢首歌時同手機有間接關係，係因為15歲時一段PuppyLove，但用手機打SMS現在慣常打英文或拼音：「對上部手機打拼音Load得太慢，新呢部808i好好多。雖然細細部，但啲掣幾好㩒，橫向設計好特別。」跟住仲爆了一句︰「我媽咪先係最鍾意問我𠵱家喺邊，近乎每次電話到都會問我。」其實唔少星媽都跟到個女好足，更何況G.E.M.只係得17歲。

■靠一個掣就操控晒上下左右。

■G.E.M.講PuppyLove時講得最開心。

■機側有音量及相機快捷鍵，設計算大路。

■隨機有埋免提附送。

■唔使開底蓋插記憶卡幾方便。

Profile

制式︰GSM三頻
屏幕︰26萬色TFT
相機︰130CMOS
記憶體︰microSD（最大1GB）
支援︰USB2.0、藍芽
體積︰41×72×14mm
重量︰90g
查詢︰neo（81020005）

■機身有粉紅同黑紅兩色，但G.E.M.愛後者因為較Cool。