舊年韓圜兌人民幣瘋狂貶值31%，令唔少喺內地嘅南韓留學生萌生去意。04年入讀北京醫科大學嘅金素賢話，佢一向靠屋企人滙錢畀佢交學費同屋租，但韓圜貶值咁多，負擔太大，唔走唔得。據南韓駐北京領事館估計，07年喺中國嘅南韓人約有70萬，其中每5個就有1個喺舊年執包袱返鄉下，即係有成14萬人走咗！
其實喺03年中國取代美國，成為南韓最大出口市場之後，好多韓企都將工廠搬去中國，不過人仔越升越有，搞到啲廠家百上加斤，好多寧願返南韓，或者搬去印尼同越南呢啲成本低啲嘅地區。有地產經紀話，有北京南韓村之稱嘅望京區，住咗6萬南韓人，𠵱家變到好似空城咁。