林嘉欣在新片《愛情左右》中，扮演快踏入30歲的電視感情節目主持人，這年輕版的白姐姐卻能醫不自醫，與12位中港台小生編織一個又一個愛情夢，兜兜轉轉，最後還是情歸青梅竹馬的同學。不過自言多年未嘗戀愛滋味的嘉欣，卻說現實中的自己比較喜歡孤獨，拍拖隨緣不強求。
林嘉欣在新片中一次過與12名男主角合作，對她來說是一大考驗，除因這是她的第一部愛情喜劇，也因為這些男伴來去如走馬燈，她說：「我本來好抗拒同恐懼拍喜劇，其實今次都難㗎，因為除咗記劇本之外，仲有好多即興爆肚，同每一個男演員拍攝嘅時間又好短，好似黃曉明咁，拍咗一日就完喇，所以覺得好似每日都係挑戰同考試咁。」
「感情冇得強求」
有人喜歡伴侶與自己的個性相似，也有人持相反意見，嘉欣說：「梗係同自己似好啲，一齊過生活冇咁多衝突都開心啲啦！」因感冒而鼻紅紅的嘉欣又笑說：「套戲嘅劇情一定唔會發生喺我身上囉，太攰喇，但係我明白唔行過條路，又唔知邊個先啱自己。」
嘉欣自言多年未嘗戀愛滋味，但又說自己比較喜歡孤獨，她說：「一個人其實我有時都享受，唔係唔孤獨，但係有時感情冇得強求，兩個人一齊梗係開心啦，但係唔會迫自己去搵，我覺得一切都係講緣份。」
北京下廚為樂
早前嘉欣為拍新片，在北京逗留約6個星期，她也自得其樂，住在酒店式住宅的她，每天買餸煮飯，有空便去逛三里屯和798藝術區，沒人陪也懂得自己找樂趣，誰說女人心內只有愛情和麵包？
採訪：藍文浩
攝影：陳志嵐
場地：香港麗都酒店
化妝：WillWong
髮型：Kenji（ILColpo）
服裝：MarcbyMarcJacob
