花旗最新公佈嘅石油庫存反映經濟活動真係放緩好多，油價插水式下跌，花旗股市都冇運行，因為投資者憂慮企業盈利會好差。
美股前晚幾個主要指數跌2至3巴仙，技術走勢都幾曳，搞到噚日亞洲股市齊齊插水，近日強勢嘅日股都要跌362點，港股仲慘，再跌571點，好彩成交大縮，照睇條50日線加埋14000關應該頂得住。
神華C輪15373：神華（1088）昨收17.70元，跌3.3巴仙，算係好硬淨，股價喺條100日線企穩，陰陽燭現釘頭，已具備反彈條件，回試前日高位19.44元，破位就睇23元，可以諗吓隻C輪15373，昨收54仙，有效槓桿2.4倍。
正股升上23元，15373可見97仙，正股跌穿16.30元，就沽咗隻輪止蝕。
俊樺