由拍電視劇轉戰到樂壇的王祖藍，推出了首張唱片《處處祖藍》，剛在新城《勁爆》頒獎禮奪得新登場創作歌手獎，但他在無綫《勁歌》頒獎禮卻捧蛋，他自言未想過爭獎，並說：「攞完個獎過咗兩年都冇人記得啦！」
王祖藍就讀演藝學院時參演過不少歌舞劇，中學時已經開始學聲樂，又曾於無綫劇《東方之珠》中擔任郭晉安的幕後代唱，其歌唱技巧備受認同。現時成為流行歌手，祖藍自知不是偶像派，絕對不是靠樣吸引樂迷，他說：「自己知自己事，有機會做歌手就乜都試啦，搞笑歌又好情歌又好都唱，希望吸引到唔同範疇嘅人聽。」
盼開迷你個唱
祖藍能夠成為歌手，全因為去年在英皇新秀歌唱大賽中精采的扮嘢表演，他與李思捷先後扮譚詠麟、郭富城、林子祥和盧冠廷等，因而被吳雨發掘，之後吳雨向樂易玲接洽要簽他成為旗下歌手。對於這個機會，祖藍說：「我細個有諗過做歌手，之後就冇再奢望過啦，我未敢諗去紅館開演唱會，有得開個miniconcert唱吓自己嘅作品已經好開心啦。」
今年樂壇新人眾多，出身無綫的新人除了祖藍外，還有靚仔黃宗澤，在《勁歌》頒獎禮捧蛋的祖藍，未想過要與他爭一席位，他解釋：「我咁後先出碟，宣傳期又叠晒拍劇時間，都唔知有幾多人知我係歌手，同埋攞完個獎過咗兩年都冇人記得啦，我寧願有好多首hit歌，令所有人永遠都記得我係一個歌手。」
採訪：李珮洳 攝影：陳順禎
化妝：K.TofFelixFerreria
服裝提供：MODELEdePRUDENCE
Styling：Dicky