美國銀行終於落實減持建行（939），內銀股係咁俾人質，恒指大跌522點收市，15000關失守，成交有成900億元，先幾日個市升咗千幾點，成交好奀，呢兩日大市調整，成交就大增，表面睇係抽高派發，係唔係咁，好快就知。
俄羅斯同烏克蘭嘅爭拗繼續成為支持油價嘅因素，單嘢應該冇咁快傾得掂，油價仲會有上升空間。
江銅C輪15084：江銅（358）昨收7.32元，雖然尾市跟隨大市回落，但仍升3.3巴仙收市，大成交現墓碑十字，其實唔算曳，可以再掉頭上試噚日高位7.85元，破位睇9元，可以諗吓隻C輪15084，昨收14.2仙，有效槓桿2.8倍。
正股升上9元，15084可見24.6仙，正股跌穿6.70元就沽咗隻輪止蝕。
俊樺