黃百鳴前日正式公佈辭去東方娛樂主席一職，前晚他在九龍灣接受陶敏明和梁翹柏主持的網上電台OMLive節目訪問，率先交代辭職原因，他說：「其實由01年我做上市公司主席，到CEPA新機制令港產片可以進軍內地市場，我一路拍咗好多功夫片希望可以被內地觀眾接受。我又出番幕前演《家有囍事2009》，發覺自己啲時間唔夠用，自己會全心專注拍電影。我冇唔捨得辭去主席職位，因為我仲喺公司繼續擔任董事，而我決定咗唔做主席好耐，只係現時先公佈。」
「好番10幾年」
另外，黃百鳴又提到當年暫停工作為醫好其太太的癌症，他說：「當時我每日凌晨五點陪老婆練氣功，又不斷搵藥醫好老婆個病，又周圍求神問卜。𠵱家老婆好番10幾年，真係好彩。」
撰文：李全