韓國男星朱智勛同女星申敏娥繼韓劇《魔王》後再次合作，拍攝電影《廚房》，噚日佢哋同金泰宇喺首爾出席記者會，套戲嘅內容圍繞同居。現年26歲嘅朱智勛自爆對上一次拍拖已經係21、22歲嘅事，仲話自己對愛情好積極。至於着迷你裙嘅申敏娥好怕走光，經常用手㩒實裙腳，坐低時又用毛毯遮住，第一次飾演人妻嘅佢仲開金口唱埋片尾曲㖭。