憑去年熱爆台劇《命中注定我愛你》而奠定台劇一哥地位嘅阮經天（小天），人紅自然招惹是非，小瑪歌聽聞最近小天同經理人凱渥嘅關係好緊張，原來小天覺得經理人公司對佢未來工作冇一個周詳計劃，搞到佢零廣告，全年收入都唔夠500萬新台幣（約117萬港元），咁又點稱得上一哥，最令小天激氣就係公司竟然連佢個貼身助手都炒埋魷魚，搞到佢好不滿，唔怪得佢想快啲另覓出路啦。