吳亭欣前晚到九龍灣接受莊思敏主持的網上電台節目訪問，不過其代步車子被整花，故姍姍來遲。去年吳亭欣被指與顧美華妹夫馮潮澤過從甚密，令她成為新聞人物，不過吳亭欣已火速換畫，並於除夕夜被拍得與30歲的標華集團少東張宏基（Wayne）共赴派對。
吳亭欣說：「唔想將佢個名拉到同啲姓顧有關嘅人一齊，阿Wayne睇完新聞後都覺得好無聊，佢話啲人食完飯冇嘢做，佢對我有信心，要保護呢個好朋友。」
派阿媽去講數
去年吳亭欣與馮潮澤食魚蛋粉傳緋聞，更令馮妻疑不堪婚變打空氣針尋死，吳亭欣強調與馮潮澤已半年沒聯絡：「所有嘢都係顧美華自己講，總之祝佢哋夫婦和睦，相親相愛，最緊要保重身體。」
此外，吳亭欣、呂晶晶、林韋辰和羅蘭等，昨日在尖沙嘴宣傳亞視新劇《東邊西邊》，劇中有一段三角戀的吳亭欣笑稱現實生活未試過為情講數：「我唔識講數㗎，實會輸晒同口窒窒，所以一定唔會咁做兼且掉頭走，或者我派代表去講囉！個代表係我阿媽，佢講嘢好快，根本攝唔到佢個位講。」吳亭欣被踢爆已有男友時口窒窒說：「咁當有啦，不過佢都唔係圈中人，無謂拉佢落水。」
採訪、攝影：楊潔雯、何慧斯